قصة وفاة ابن الفنان حازم إيهاب وأبرز تصريحاته عنه

ستة أشهر ونصف مرت على وفاة نجل الفنان حازم إيهاب الرضيع يونس بعد 13 يومًا فقط من ولادته، ولد الطفل مصاباً بمرض خلقي في القلب، وتم وضعه في وحدة العناية المركزة بالمستشفى فور ولادته مباشرة وتوفي بعد ساعات مع إجراء عملية جراحية، انهار حازم إيهاب في جنازة طفله يونس وسط صدمة كبيرة منه.

حازم إيهاب تحدث لأول مرة عن وفاة ابنه ورفضه الإجهاض عندما علم أن الجنين يعاني من عيب خلقي قبل أشهر من ولادته، حيث روى إيهاب خلال لقاءه في أحد البرامج على موقع فيسبوك: “ابني كان مكتوب له إنه هيعد معانا 13 يوم كنت مبنامش فيهم وهيروح تاني للي خلقه، يعني ضمن الجنة كده من غير أي حاجة”.

وأضاف: “إحنا عرفنا إن عنده عيب خلقي في القلب ومنه حامل، وحد في أمريكا قالي إنهم بينزلوه علطول عندهم، وكانت منه في الشهر الخامس، وأول ما عرفنا إنه ولد عرفنا إن عنده غرفه من غرف القلب مش شغالة، فممكن نستنى شوية وقت وتشتغل”.

وأضاف: “الأزهر أفتالي إننا ننزله لكن أنا معندبش المنطق ده، لا أنا اللي مكتوب لإبني هيشوفه، وأكيد ربنا مش هيبقي عايزه يتعذب، لكن أنا مكنتش هعرف أسامح نفسي كنت بعد ما هنزله هرجع أطارد نفسي بعد كام شهر، وأقول مش يمكن لو كنت سيبته كان ربنا حط فيه معجزة، وكانت هتفرق بيني وبين ربنا كتير أوي، يعني كانت هتحسسني إني مبقتش واثق فيه”.

وأردف: “ولقيت تليفون جايلي إنه توفي، روحت لفيت لفة تصريح الدفن وحساب المستشفى، ومن سذاجتي لأني أول مرة أتحط في موقف زي ده كلمت حد حجزلي قاعة عزا، وبعدين عرفت إن الأطفال مبيكونش ليهم عزاء أصلا”.

وأختتم: “ويردو من سزاجتي خدت يونس وهو في الكفن وروحنا نصلي عليه شافه إمام المسجد فضحك وقالي: يا حبيبي إحنا بنصلي على المتوفي عشان ربنا يخفف عنه ويرحمه، فإحنا ليه بنصلي علي ده)، وراح خده منه وحاطه مع نعش حد كان بيتصلى عليه وروحنا مصليين عليه”.

قراءة المقال السابق

حقيقة إقتراب بيتسو موسيماني من تدريب منتخب جنوب أفريقيا

قراءة المقال التالي

الفنان اللبناني جورج وسوف ينعي الفنانة السورية أنطوانيت نجيب

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *

الأكثر شهرة