أميرة أديب تتصدر التريند بإنتقادها أسعار الساحل الشمالي.. ومن هي أميرة أديب

استحوذت الفنانة الشابة أميرة أديب على التريند بمواقع التواصل الاجتماعي خلال الساعات القليلة الماضية، حيث تحدثت بشكل عفوي عن الغلاء المبالغ فيه في الساحل الشمالي بعد إنقضاء إجازتها الصيفية فيه.

انتقدت أميرة أديب في مقطع فيديو نشرته عبر حسابها الرسمي على إنستجرام الأسعار في الساحل الشمالي قائلة: “صاحبتي راحت تجيب إزازة ماية في أحد الأماكن اللي كنا فيها قالها بـ250 جنيه كان هيجيلي سكتة قلبية، 250 جنيه عشان إزازة ماية، أنا أول مرة أجي الساحل السنة دي، وبردو دي كانت أول سنة أسافر أكثر من مكان في الصيف برا مصر، وكل سفرية صرفت فيها أقل بكتير من اللي صرفته في الساحل.

وأضافت: “أنا من الأشخاص اللي مش بتصرف كتير في السفر، وبشوف أي طريقة أقدر أصرف بيها أقل مصاريف ممكنة، لكن اللي بيحصل ده مهزلة، في حاجات تانية كتير في مصر ممكن نعملها وبتكون أرخص بكتير”.

وأضافت: “أنا بتهزق كتير لما حد يسألني التيشيرت بتاعك ده منين، أنا أغلب الحاجات اللي بجيبها بتبقى ساكند هاند، يعني بتكون كانت بتاعه ناس قلبل كده، أنا مش إنسانة بتتبسط بالحاجات القيمة وكده إني أجيب لبس غالي دي مش حاجة بتبسطني، اللبس بالنسبالي حاجة من أساسيات الحياة مش حاجة أنا بحبها أوي”.

وتابعت: “عشان كده أغلب الوقت مش بعرف أقولكم لبسي ده منين لأن أنا نفسي مش عارفة هو منين، فلو سمحتوا بطلوا تهزقوني، ولما بيكون في حاجة أنا شاريها بقول”.

من هي أميرة أديب

أميرة أديب تنتمي إلي عائلة فنية، جد والدها هو الكاتب عبد الحي أديب، وجد والدتها المخرج المسرحي سلامة حسن، وخالها الفنان شريف سلامة، وعمّاها هما الإعلاميان عمرو أديب وعماد الدين أديب.
درست أميرة أديب التمثيل والإخراج في لوس أنجلوس بالولايات المتحدة الأمريكية، وبدأت مشوارها الفني العام الماضي بمسلسل “ولاد ناسط، حيث ظهرت في ثلاثة أعمال درامية،  “نقل عام”، “مين قال” و”تحقيق”..
وفازت بالمركز الأول في احدي مسابقات ملكة جمال الشواطئ بالولايات المتحدة، وفي أزمة وباء كرونا قررت العودة إلى موطنها مصر.

قراءة المقال السابق

وزير التعليم العالي: إفتتاح 12 جامعة أهلية تركز على التقنيات الحديثة في إكتوبر القادم

قراءة المقال التالي

هلا رشدي: الفنانة حنان ترك شايفة إن فيه شبه بيننا.. وغنيت لأم كلثوم وأنا عمري 8 سنوات

اترك تعليقا

لن يتم نشر عنوان بريدك الإلكتروني.

الأكثر شهرة